Adolygiadau Ffilm Cookie

Reit, dwi di cal brênwêf.

Yn dilyn y cofnod Trip i’r Fflics, lle ddatgelais mai Hunky Dory fydde fy adolygiad ola i BBC Cymru Cylchgrawn cyn i’r wefan gau lawr, bum yn pendroni ynglyn â beth i wneud ynglyn â fy adolygiadau ffilm. Sgwennais i ymhell dros ddau gant o adolygiadau ffilm yn yr iaith Gymraeg dros y bedair blynedd ddwetha, felly  dechreuais feddwl ynglyn â beth i wneud nesa…

Yn wir, tra’n cael dip yn y ddinas, ces fy nharo gan yr awen a phenderfynais gysylltu â’m guru blogio Carl Morris, ar ôl i mi feddwl dechre blog newydd, gyda logo swish a Hollywoodaidd, a phob math o bethau eraill.

Pan gyflwynais y syniadau uchelgeisiol gerbron Carl, nath e awgrymu rhywbeth doedd heb fy nharo i. Beth am jyst adolygu ffilmie fel rhan o fy mlog arferol, sef hwn? Wedi’r cyfan, mae mynychu’r sinema yn rhan fawr o fy mywyd yn ninas Caerdydd. Felly dyna a fu.

Drannoeth, ces alwad gan BBC Radio Cymru yn gofyn a fydden i’n fodlon dod i fewn i adolygu ffilm ddiweddara Judi Dench ar raglen Nia Roberts ar fore Iau y 15ed o Fawrth, ac felly, dyma benderfynu cychwyn gyda hwnnw yn fy nghofnod nesa.

Y bwriad yw adolygu o leia un ffilm yr wythnos, a honno’n un ddiweddar (newydd sbon fel arfer) , sydd dal i’w gweld mewn sinemau. Bydda i’n adolygu pob ffilm â chanddi gysylltiad Cymreig, nifer o ffilmiau poblogaidd sydd i’w canfod yn y multiplex yn ogystal ag ambell berl anibynnol ac o dramor.

Efallai nad oes gen i logo swish a Hollywoodaidd ond dwi wedi penderfynu glynnu at un syniad bach cawslyd ges i, i roi stamp bach personol ar y feirniadaeth derfynol; dwi am ddyfarnu ffilmie nid ar sail sêr, ond- da da da dah!- ar sail sawl Cookie (geddit? Un o fy llysenwau niferus, fel fy nhad, Phil, a’m Taid, Gwyn, o’m mlaen i) mae’n ei haeddu , yn ôl y raddfa ganlynol;

Erthyl o gynhyrchiad erchyll.Osgowch fel y pla.

Meh. Gwastraff amser braidd.

Ffilm “iawn” ar y cyfan. Ond nid da lle gellir gwell.

Ffilm Dda Iawn. Gwerth ei gweld.

Ardderchog,Ysblennydd,Ansbaradigaethus-rhaid ei gweld!

Ond ma na wahaniaeth rhwng ffilm 3 Cookie a 4 Cookie, a ffilm 7 allan o 10, felly na i drio ngore i ffeindio delwedd hanner cwci ar gyfer y ffilmiau niwsanslyd hynny sy’n syrthio rhwng dwy fishgïen.

Beth am hwn?!

Reit. Co ni off!