(Llun: Emyr Young)
Awdur o Benylan, Caerdydd. Dwi’n sgrifennnu ac yn darlledu ar y radio a’r teledu, yn dilyn 11 mlynedd yn ymchwilio a chynhyrchu rhaglenni gyda BBC Radio Cymru. Rydw i hefyd yn olygydd ar gylchgrawn Taste / Blas, sy’n dathlu bwyd a diod ledled Cymru.
Fy llyfr diweddaraf, a gyhoeddwyd yn Rhagfyr 2018, yw Bwytai Cymru (Gwasg Gomer), ac mae modd ei brynu yma.
Yn 2012, cyhoeddwyd fy nghyfrol gyntaf, Canllaw Bach Caerdydd (Gwasg Gomer), yna yn 2014, Pobol y Cwm – Pen-blwydd Hapus 40 (Gwasg Gomer). Dilynwyd hyn yn 2016, gan Caffis Cymru (Gwasg Gomer).
Ar ôl dilyn gradd mewn Daearyddiaeth a’r Gymraeg ym Mhrifysgol Cymru, Aberystwyth, enillais radd M.A. mewn Theatr, Ffilm a Theledu.
Dwi’n adolygu ffilmiau’n rheolaidd ar raglenni S4C a BBC Radio Cymru ac ar y blog hwn, yn dilyn 5 mlynedd o gyhoeddi adolygiadau ar wefan BBC Cylchgrawn
Dwi wedi llywio sesiynau holi gydag enwau mawr yn y diwydiant yng Nghymru, gan gynnwys Rhys Ifans, yn dilyn dangosiad ar ran BAFTA Cymru, a noson arbennig yng nghwmni aelodau cast Pobol y Cwm i i ddathlu pen-blwydd y gyfres yn 40 oed.
Ro’n i’n un o feirniaid gwobr Welsh Music Prize 2015-16, ac yn aelod o reithgor BAFTA Cymru, ynghyd a Gwyl Ffilm Ryngwladol Iris yn 2014 a 2012. Cyflwynais seremoni wobrwyo gyntaf Gwyl Ffilm Bae Caerfyrddin yn 2012. Bues i’n gadeirydd ar bwyllgor Cymraeg Gwobrau Theatr Cymru rhwng 2013 – 2018.
(Llun: Robert Melen)
Roeddwn i hefyd yn aelod o banel beirniadu Cymraeg Llyfr y Flwyddyn 2014, gyda Gareth Miles ac Eurig Salisbury.
(Llun: Emyr Young)
Yn fwy diweddar, ro’n i’n feirniad y Goron yn Eisteddfod Genedlaethol yr Urdd, 2017.
Dwi hefyd yn cyfrannu erthyglau bwyd a chelf i gylchgawn Barn, papur bro Y Dinesydd a chylchgrawn Red Handed. Cyn hynny, bum yn cyfrannu adolygiadau llên i gylchgrawn Taliesin, ac yn un o gyfranwyr gwreiddiol blog diwyllianol Y Twll.
Ym mis Mawrth 2013 enillais un o ysgoloriaethau Llenyddiaeth Cymru i ddilyn hanes Cymro colledig yng Nghaliffornia. Dychwelais i’r dalaith yn 2014 ac mae’r ymchwil yn parhau.
Yn 2011 ces fy nerbyn i Raglen Ddatblygu Beiriniaid Celf Cymru dan ofal Celfyddydau Rhyngwladol Cymru; rydw i bellach yn cynnal gweithdai adolygu, a sesiynau chwedloniaeth Cymru gyda grwpiau ac mewn ysgolion ledled Cymru.
Dwi’n casglu celf o Gymru, yn hoff iawn o goginio ac yn ffan mawr o gerddoriaeth, llenyddiaeth a’r theatr. Dwi hefyd yn dwlu ar deledu da, ac ar deithio rhyngwladol pan fo ‘nghyllideb yn caniatáu.
Hoff Ddinasoedd: Caerdydd, Dulyn, Efrog Newydd, Havana, Stockholm, Miami, Berlin, Melbourne, Copenhagen, Paris, Barcelona, Oslo, San Francisco, Donostia, Istanbul, Fflorens, Fenis, Los Angeles
Lle Nesa? Lisbon
Dinasoedd Fy Mreuddwydion: Hong Kong, Reykjavik, Modena, Buenos Aires, Marrakech, Sydney, Tokyo, Jaipur, Milan, Petra, Budapest, Montreal
Manylion Cysylltu: lowri.cooke@live.co.uk
Lowri Haf Cooke 